الیمیزه چاتان سون خبر اساسیندا 40 نفر وطنداشلاریمیزدان کلیبرده دوستاغا آلینیبلار. انتظامی نیرولار میلته یاردیم تظاهوری ایله اونلاری قالادان کلیبرین مقصدینه اتوبوسا میندیریب و خلافی اولاراق اونلاری پاسگاها آپاریب، تفتیش ائدیب و بیر نئچه سیندن سونرا بوراخیبلار. دئییلیر کی اونلاردان فیلیم شکیل چکیلیبدیر.

(جوما - گون اورتا - ساعات 13:40)

محسن ثروتی اردبیل بیلی یوردونون اؤیرنجی سی و بهزاد دنیایی اردبیل آزاد بیلی یوردونون اؤیرنجی سی یاخالاندیلار. الیمیزه چاتان خبره گؤره یاییلان فورملارین دولدورماغیندان هامی امتناع ائدیر. چوخلاری بو فورملاری آرتیق تفتیش کیمی آدلاندیریب جاواب وئرمه سیندن چکیلیرلر. بوتون چالیشلار بیر داها یوروش ائتمک اوچون مهیا دیر. آمما باسقی چوخ آغیر دیر.

(جوما - گون اورتا - ساعات 11:10)

انتظامی قوه لر طرفیندن بیر "نظر سنجی" فورمو میللتین آراسیندا یاییلیبدیر. بو فورمون سورغولارین آشاغیدا گلیبدیر. آرتیق دقتله بئلنچی فورملارین ایستکلری آیدین اولور.
1- شما به اتفاقچه کسانی به قلعه آمده اید: خانواده دوستان تنها با تور سیاحتی 2- مشخصات محل سکونت: استان: شهرستان: 3- میزان تحصیلات: ابتدایی و نهضت راهنمایی متوسطه دیپلم کاردانی و مارشناسی فوق لیسانس و بالاتر 4- وضعیت تاهل: متاهل مجرد جنسیت: مرد زن 5- سن: 15-22 23-30 31-38 39-46 6- زبان مادری: ترکی فارسی سایر 7- نظر شما نسبت به گذاره های زیر چیست: الف- یادگیری زبان فارسی به عنوان زبان مشترک ایرانیان ضروری است ب- در یک مکان عمومی که سرود ملی پخش می شود اگر بغل دستی شما به احترام سرود بلند نشود تا چه حد ناراحت می شوید ج- تا چه حد از ایرانی بودن خود احساس غرور می کنید د- تا چه حد از ترک بودن خود احساس غرور می کنید 8- در تاریخ سیاسی ایران کسان زیادی در راه آزادی ایران خدمات شایانی انجام داده اند از این افراد نام ببرید 9- از عملکرد عوامل زیر چه قدر راضی هستید: الف- عملکرد نیروی انتظامی در برخورد مناسب با مردم ب- عملکرد نیروی انتظامی در همراهی با مردم در جهت حفظ امنیت ج- عملکرد نیروی انتظامی در کنترل ترافیک منطقه 10- به نظر شما مردم به چه دلیل در این مکان حضور یافته اند

(جوما - سحر - ساعات 10:30)

8 یاشیندا علیرضا قاراداغلی نین بارماقلاری انتظامی نیرولارین داش ضربتیندن سیندی. بیر ایگید وطنداشیمیزی حدسیز شکنجه ائدندن سونرا داشلار اوسته بوراخیبلار. اونون جراحتی چوخدور. هئچ کیمی اونا یاخین دوشمه یه قویمورلار. چنگیز بخت آور عایله سیله بیرلیکده یاخالاندی. اونون حیات یولداشین ووراندان سونرا بوراخدیلار. وضعیت گرگینلشمکده دیر.

(جوما - سحر - ساعات 9:40)

چوخلو ایشتیراکچیلاری داش گوجو ایله قالایا گئدن یوللاردان قایتاریب و محاصره یه سالیب لار. چیرپیشماق و درگیرلیک ائحتیمالی گئدیر. چوخلاری داش ضربتیندن یارالانیبلار. انتظامی نیرولارین اؤزل (ویژه) قاردلاری رحم ائتمه دن گئدنلری ووروب و قایتاریر. میللت قالانین اورمانلارینا اوز گتیریرلر. هامی یوروش اوچون بیر آیری فورصت آراییر

(جوما - سحر - ساعات 9:00)

چوخلو ایشتیراکچیلاری داش گوجو ایله قالایا گئدن یوللاردان قایتاریب و محاصره یه سالیب لار. چیرپیشماق و درگیرلیک ائحتیمالی گئدیر. چوخلاری داش ضربتیندن یارالانیبلار. انتظامی نیرولارین اؤزل (ویژه) قاردلاری رحم ائتمه دن گئدنلری ووروب و قایتاریر. میللت قالانین اورمانلارینا اوز گتیریرلر. هامی یوروش اوچون بیر آیری فورصت آراییر

(جوما - سحر - ساعات 9:00)

یوروش چتینلیکله اوز به اوز اولوبدور. قالایا چیخماق ایسته یه ن قورولتای ایشتیراکچیلاری انتظامی و نظامی قوه لرین داشلارینا معروض قالیبلار. اونلار رحمسیزجه سینه میلته داش آتیرلار، اونلارین جاوابی داشلا وئریلمکده و "اؤلوم اولسون ساتقینا" شعارلاری ائشیدیلمکده دیر. مدنی و دئموکراتیک بیر قورولتایا داشلا امنیت یاراتماق اولورمو؟ یقین کی نیت امنیت یاراتماق یوخ؛ بلکه امنیت سلب ائتمک دیر. تبریز میلت وکیلی اکبر اعلمی قالادا دیر. اونون دانیشیغی باشلامامیشدان یاریمچیلیق قالدی. "دیلین ساتان ناموسون ساتار" شعاری ائشیدیلمکده دیر.

(جوما - سحر - ساعات 8:45)

ساعاتلارجا گئجه گوندوز گؤزلمکدن سونرا قالایا ساری یوروش باشلادی. میلتیمیز کمپدن قالایا ساری یولا دوشوبلر. انتظامی و نظامی قوه لر قالایا گئدن یوللرین قیراغیندا بو یوروشه شاهید دیرلر. کلیبردن قالایا ساری گئدن یول چوخ آغیر وضعیتده باغلانیبدیر. دئمک ایندی لیک یالنیز کمپده اولانلار قالایا یول تاپا بیلیرلر. بیر چوخ میلتیمیز کلیبرده و ها بئله اهر-کلیبر یوللاریندا قورولتایا قاتیلماق اینتیظاریندادیر. اغورلار

(جوما - سحر - ساعات 7:55)

یاشار اسدی و نیما اردبیلدن یاخالاندیلار. دئمک اولار هامی قالانین اته گینده یوروش اوچون حاضیرلیق یاپیر. دفعه لرجه قورشون سسی قولاغا چاتدی. دئمک لازیمدیر کی دونن گئجه ده نئچه قورشون سسی ائشیدیلیبدیر

(جوما - سحر - ساعات 7:10)

الیمیزه چاتان سون خبرلری گؤره قالا انتظامی نیرولار توسطی ایله محاصره اولونوبدور. قورولتایدا ایشتراک ائدنلر کلیبر و کمپده یئر توتوبلار. دئمک اولار کلیبر شهرینین وضعیتی غیر عادی دیر. اهردن کلیبره کیمی اون مینلر ماشین جاده نین قیراغیندا ساخلانیلیبلار، هر ساعات بابک قوناقلارینین سایی آرتماقدادیر. سایسیز و حدسیز تضییقلره باخمایاراق ایشتیراک ائدنلر هله ده اؤز مدنی داورانیشلاریندان ال اوزمه ییبلر. فیلیم و فوتوقیراف ماشینلارین میللتین الیندن آلان غیر مدنی گوجلر، اونلارین مدنی قورولتایین دونیایا یاییلماسیندان قورخورلار. گلن ساعاتلاردا بوتون چالیشیغیمیز سیزین اوچون بو قورولتایدان شکیل حاضیرلاماقدیر

(جوما - سحر - ساعات 6:30)

گئجه ساعات 12 مجبوریت اوزره قالادان کمپه ساری قاییدیلمیش وطنداشلاریمیز دفعه لرجه توپلانیب، دانیشیق شعر و موسیقی تؤره نی آپارمیشلار. توتولانلار ایچره محمد پورعلی، سهیلا پورعلی، محرم پورباقر، بابک پورباقر، سعید وحید پورباقرین باجی اوغلولاری، مهدی زنجانلی، آرش بختاور، عباس لیسانی و ایکی یولداشین آد آپارماق اولار. وضعیت یاواش یاواش آراملاماقدادیر هامی دیدرگین اولاراق گئجه نی سحر ائتمه یه یئر آراماقدادیر. ائهئی بابکین قورخماز ایگیدلری؛ اوغورلار

(جوما آخشامی - گئجه - ساعات 24:00)

سون خبرلر اساسیندا انتظامی و نظامی قوه لر طرفیندن قالانین بوتونلویونه تخلیه و بوشالتما دستوری وئریلدی. بعضی یئرلرده بو بوشالتما پروسسینده ایشتراک ائدنلرله قوه لرین آراسیندا چیرپیشما اوز وئردی. بو اوزدن نئچه نفر یاخالانیبدیر. ایندی سه گئجه ساعات 20:20 آروادلی-کیشیلی، جاوانلی قوجالی، اوشاقلی-بؤیوکلو هامی قالانین محوطه سین ترک ائتمهیه مجبور قالیبلار. بعضی خبرلر اساسیندا قالادان چوخ آشاغیلیقدا اولان کمپه ده تخلیه دستوری وئریبلر. یازیقلار اولسون اوزلوگوندن اوزاقلاشان مانقورتلارا. یازیقلار اولسون گئجه قارانلیقدا اؤز قانیندان اولان باجی قارداشین داغلاردا آواره ائدنلره. یازیقلار اولسون.

(جوما آخشامی - گئجه - ساعات 22:20)

سون خبرلر اساسیندا انتظامی نیرولارین امام جماعتی نامازدان قاباق دانیشیقلاریندا بسیجیلردن ایستمیش کی توریستلر (عجبا، یاشادیغیمیز وطنده توریست اولدوق) له موصالحت اوزره داورانسینلار. او دئمیش کی سیز بسیجیلر توریستلردن بعضی ایشلرده گؤرسز اونلارلا "بسیجی وار" داورانین

قالانین اته یینده کی ایگید وطنداشلاریمیزا چادرلاریندان سورگون اولموش و خور باخیشلار اساسیندا بعضا ده شامسیز سحر ائدنلره اوغورلار آرزی ائدیریک.

(جوما آخشامی - گئجه - ساعات 22:00)

انتظامی قوه لر کمپده ن هوتئله کیمی ایشتیراک ائدنلرین قورودغو چادرلاری ییغماغا مجبور ائدیرلر. اونلار اللرینده اؤنجه دن حاضیرلانمیش لیستده کئچمیش ایللرده ایشتیراک ائدنلری آراماقدادیرلار. تبریز فعاللاریندان اولان خانی جنابلاری یاخالاندی. قالا بوتونلوکده محاصره اولونوبدور و تضییقلر آرتیرماقدادیر. هامی ایشتیراک ائدنلر صاباحین یوروشونه حاضیرلیق یاپیرلار. گئجه گؤزلره یوخو دولمادان میلتین مظلومیتینه شاهد اولون باخیشلار، سحری دوشونورلر. عشق اولسون

(جوما آخشامی - آخشام - ساعات 20:30)

الیمیزه چاتان سون خبره گؤره اردبیل شهریندن قورولتایا قوووشماق ایسته ین ایگیدلریمیزی اهر شهرینده ساعاتلارجا انتظامی نیرولار ساخلاییب و شکنجه دن سونرا بوراخیبلار، آمما عباس لیسانی جنابلاری بوراخیلماییبدیر. ساعات 20 ده کمپده و هوتئلده اود یاندیرما تؤره نینه سؤز وئریلمیشدیر. قالانین یولوندا اولان هوتئلین باتی گونئی (جنوب غربی) ده سپاه پاسداران ین الزهرا گردانی مستقر اولوبدور. انتظامی و نظامی قوه لرین سایی سی دائما آرتیرماقدادیر و بوتون قاتیلانلاردان شکیل و فیلیم چکیلیر. بوتون تضییقلره باخمایاراق قورولتایا قوووشانلارین سایی سی حددن آرتیق چوخالماقدادیر. سانکی اولو تانری اولو آذربایجانیمیزین مظلومیتینه همه شه کیمی یاردیمچی دیر

(جوما آخشامی - آخشام - ساعات 19:50)

یئنه بابک قوشونو بز قالاسین یادا سالیب
یئنه تورکوستان ائلی ول وله دونیادا سالیب
یئنه ستار گتیریب امیره قیزین خوش خبرین
یئنه باقیر خیاوان خالقینی فریادا سالیب

آذربایجانلی بیلی یوردلولار توپلومونون اوچونجو اوردوسو 6 ساعات داغ داشلاری پیادا گئدندن سونرا ساعات 18 ده قالایا چاتدیلار. بو اوردو اهر و کلیبر آراسیندا انتظامی نیرولار طرفیندن گئری قایتاریلمیشلار آمما تضییقلره باخمایاراق، قورولتایا قوشولماق اوچون داغا داشا ووروب و قالایا چاتدیلار

وطن منی یئتیشدیریب بو یئرلره یوللادی

بو تورپاغا قوربان دئییب آللاها ایسمارلادی

بوش اوتورما چالیش دئییب، خدمت ائیله وطنه

سودوم سنه حلال اولماز سن باش اگسن دوشمنه

(جوما آخشامی - آخشام - ساعات 18:30)

آذربایجانلی بیلی یوردلولار توپلومونون ایکینجی اوردوسو 2 ساعات کلیبرده آختاریش پوستوندا ساخلانیلدیقدان سونرا قالایا چاتدی. انتظامی نیرولار و ها بئله بسیجی آدلانان نیرولارین سایی هر ساعات چوخالماقدادیر. یول اوستونده آختاریش پوستلاری داها چوخالیب و قالایا گئتمک داها چتینله شیر. آمما بو چتینلیکلره باخمایاراق قورولتایا قاتیلانلارین سایی سی داها چوخالماقدادیر

(جوما آخشامی - آخشام - ساعات 17:50)

آذربایجانلی بیلی یوردلولار توپلومونون ایکینجی اوردوسو 2 ساعات کلیبرده آختاریش پوستوندا ساخلانیلدیقدان سونرا قالایا چاتدی. انتظامی نیرولار و ها بئله بسیجی آدلانان نیرولارین سایی هر ساعات چوخالماقدادیر. یول اوستونده آختاریش پوستلاری داها چوخالیب و قالایا گئتمک داها چتینله شیر. آمما بو چتینلیکلره باخمایاراق قورولتایا قاتیلانلارین سایی سی داها چوخالماقدادیر

(جوما آخشامی - آخشام - ساعات 17:50)

• 
  آذربایجانلی بیلی یوردلولار توپلومونون بیرینجی اوردوسو قالایا چاتدی. الیمیزه چاتان سون خبرلره گؤره اهردن کلیبر قدر 3 آختاریش پوستو وار، انتظامی نیرولار (آرالاریندا شخصی پالتارلیلار دا گؤرونور) قالایا گئتمک ایسته ینلرین ماشینلارین و اؤزلرین آختاریب، آد و مشخصاتلارین ثبت ائدندن سونرا گئری قایتاریر. آمما بونونلا بئله داغ کیمی اراده لی میلتیمیز بو میللی قورولتایدا ایشتیراک ائتمک اوچون غیر متعارف و تانینمایان یوللاردان اولموش اولسادا اؤزلرین قالایا چاتدیریرلار. عشق اولسون وطن عشقین سینه لرینده یاشادانلارا. (جوما آخشامی - گون اورتا - ساعات 12)